Më datë 26.01.2018, Departamenti i Etnologjisë në bashkëpunim me Bibliotekën Kombëtare të Shqipërisë, në kuadër të seminarit të përhershëm permanent “Përthyerje Antropologjike” organizoi takimin e radhës në ambientet e Bibliotekës Kombëtare.
![](http://asa.edu.al/site/wp-content/uploads/2018/01/DSCF9105-300x151.jpg)
Në programin e tij, ky seminar përfshiu një temë specifike “Vetja dhe tjetri”, ku mori pjesë albanologia prof. dr. Ke Jing, e cila mbajti ligjëratën “Katër “Të tjerët” në veprën e Ismail Kadaresë një studim mbi identitetin kombëtar shqiptar”.
Ligjërata e prof. dr. Ke Jing, u mbajt për të pranishmit në gjuhën shqipe, një shqipe e pastër e autores, e cila ndër të tjera ftonte të pranishmit të bëheshin pjesë e debatit teorik në lidhje me veprat e këtij autori.
![](http://asa.edu.al/site/wp-content/uploads/2018/01/27024175_1579934548752543_8605915686517162718_o-300x200.jpg)
Me këtë takim, seminari permanent “Përthyerje antropologjike”, hapi siparin e takimeve të përmuajshme për vitin 2018 duke arritur edhe suksesin e radhës.
Më poshtë mund të ndiqni të plotë fjalën e prof. dr. Ke Jing.