Në ekspeditën arkeologjike shqiptaro-italiane në Finiq të vitit 2021, u gjet një skulpturë e shekullit Il e.s, e cila personifikon perëndinë egjiptiane Isis. Duke qenë e para skulpturë e përmasave të mëdha, e gjetur në Shqipëri në vitet e fundit, është e rëndësishme të studiohet dhe të kontekstualizohet në raport me Foiniken e lashtë, ashtu dhe me territorin, pasi kulti i Isisit, si perëndi egjiptiane është i përhapur gjerësisht në perandorinë romake.

Për këtë arsye, të mërkurën, më 18 janar, ora 16:00 mbahet një webinari “Isis në botën greke”. Seminari organizohet nga bashkëdrejtuesit e kërkimeve disavjeçare tashmë në Foinike, Belisa Muka dhe Giuseppe Lepore. Dafni Maikidou nga Universiteti i Selanikut do të bëjë një paraqitje të të dhënave rreth pranisë së Isisit në botën greke. Programin e gjeni bashkëngjitur, po ashtu edhe adresën për t’u bërë pjesëmarrës virtualisht në këtë seminar me shumë interes.