Kërkimi në terren qëndron në themel të punës së Institutit të Arkeologjisë – ASA, përveç punës studimore dhe mësimdhënies.
Viti arkeologjik 2022 ishte një vit i ngjeshur që shënoi qëndrueshmërinë e ekspeditave pas sfidave që krijoi pandemia.
Konferenca e sotme solli një sintezë të fushatave arkeologjike të shtrira në zonat më të rëndësishme të vendit.
Në fushën e Prehistorisë u analizuan:
Rindërtimi i dinamikave paleo-mjedisore të Pleistocenit të Vonë me rastin e rripit bregdetar, Triport-Portonov nga R. Ruka dhe F. Badino; Lin 3 nga A. Anastasi, A. Hafner, I. Gjipali, M. Hinz, M. Brunner; vendbanimi i Neolitit të Hershëm në Pogradec nga E. Andoni dhe U. Tota; kontekstualizimi i Neolitit në fushën e Korçës nga E. Andoni, J. Anvari dhe P. Willet; dinamika e vendbanimit gjatë periudhës së Hekurit në Pellgun e Korçës, sezoni i parë i gërmimeve në “kalanë” e Barçit nën drejtimin e R. Kurtit dhe A. Gardeseinit; gërmimet arkeologjike në Maligrad nga A. Bunguri, S. Oikonomidhis, P. Lera, A. Tsonos dhe A. Papayiannis; harta arkeologjike nënujore e bregdetit shqiptar, 2021-2022 nga A. Anastasi.
Pas diskutimeve, seanca u dytë u ndal në kërkimet në fushën e Antikitetit:
Tempulli i Shtyllasit – arkitektura dhe rivlerësime arkeologjike nga B.Lahi; Kaonia bregdetare: rezultatet e kërkimeve shqiptaro-italiane në Foinike dhe Butrint nga B. Muka, G. Lepore, E. Giorgi; kërkime arkeologjike në zonën Vagalat/Dobra, fusha e Livadhjasë dhe lugina e mesme e Pavllës nga B. Muka, M. Melfi, O. Gilkes, A. Buzo; kërkime arkeologjike në Çukën e Ajtoit (Konispol/Sarandë) nga A. Meta, J. Bogdani; kërkimet arkeologjike në luginën e Drinosit nga S. Veseli dhe R. Perna; projekti FLEAP (Peizazhe të fortifikuara në Shqipërinë Lindore): fushata e vitit 2022 në Qarkun e Kolonjës nga A. Skënderaj dhe L. Caliò; Bylis 2022: rezultatet e gërmimit në monumentet e agorasë, shek. III p.e.s – II e.s. dhe ndërhyrjet paraprake të restaurimit në cisternën e stadiumit nga O. Ceka, L. Përzhita, N. Ceka dhe S. Muçaj; varret shkëmbore të Matit: Identifikimi dhe shpërndarja e tyre nga J. Buzo dhe A. Kurti.
Për fushën e Antikitetit të Vonë dhe Mesjetës u prezantuan rezultatet: kalatë e Ali Pashë Tepelenës: përditësim i kërkimeve nga L. Përzhita; Dyrrachium në antikitetin e vonë: rezultate të fushatës 2022 nga B. Shkodra-Rrugia; bazilika paleokristiane jashtë mureve në Scampis nga E. Hobdari; Topografia Urbane e Butrintit në Antikitetin e Vonë dhe Mesjetë: fushata e vitit 2022 nga N. Molla dhe R. Hodges; kërkimet arkeologjike të projektit shqiptaro-italian në Amfiteatrin e Durrësit nga E. Metalla dhe S. Antonelli; kërkimet arkeologjike në Drisht dhe Sappë nga P. Pushimaj.
Këto rezultate do të botohen në revistën “Candavia” e Institutit të Arkeologjisë.