Këshilli Kombëtar i Arkeologjisë në mbledhjen e fundit shqyrtoi dhe miratoi projektet kërkimore në fushën e Arkeologjisë. Përmes këtyre projekteve do të përfitohet informacion i ri mbi qytetet antike dhe sitet arkeologjike të vendit tonë.
Projektet e miratuara janë:
- qyteti antiko-mesjetar i Kaninës,
- vijimi i gërmimeve në Antigone,
- kërkime në ishullin e Maligradit në Prespë
- varri monumental në qytetin antik të Klosit
- gërmime arkeologjike në kastrumin e Paleokastrës në Gjirokastër
- gërmime në Finiq dhe në Butrint
- ndërtimi i hartës nënujore të Bregdetit,
- sondazhet arkeologjike në zonën e Nivicës
- rikthimi në format 3D i Bylisit,
- gërmimet në fortifikimet prehistorike të luginës së Shkumbinit dhe në vendbanimet prehistorike në Skrapar
- gërmimet rreth kishës paleokristiane në Hot të Malësisë së Madhe
- studimi i qytetit ilir të Zgërdheshit
- projekti i Durrësit mesjetar, fortifikimet e Dukajve në luginën e Vjosës,
- por edhe rizbulimi pafund i Amantias,
- i kalasë së Drishtit,
- i gërmimeve në kalanë e Shkodrës,
- vijimi i gërmimeve në Orik
Në këtë listë vlen të përmenden disa prej prjekteve të reja, si psh: “Ekspeditë përnjohëse në qytetin antiko – mesjetar të Kaninës dhe në zonën e Vjosës”, “Paleokastra”, “Kalaja e Pecës në Kukës” “Gërmime arkeologjike dhe valorizim turistik i kishës paleokristiane në fshatin Hot (Malësi e Madhe)”, etj., te cilat qëllimeve shkencore e studimore, synojnë kthimin në destinacione turistike të disa prej monumenteve, kështjellave dhe siteve arkeologjike të vendit tonë.