Instituti i Historisë dhe Shkolla Doktorale në Histori, pranë Qendrës së Studimeve Albanologjike, Tiranë, organizojnë më 15 dhjetor 2015, në sallën “Aleks Buda” të Akademisë së Shkencave, Konferencën Shkencore “Kërkime të reja për historinë e shqiptarëve”. Kjo konferencë është në vazhdën e traditës të krijuar tashmë nga Instituti i Historisë, sipas së cilës studentë të Shkollës Doktorale sjellin për publikun arritjet më të spikatura të studimeve dhe kërkimeve të tyre.

Këtë vit tematika e Konferencës është konceptuar gjithëpërfshirëse dhe do të fokusohet në këto fusha kërkimore: zhvillimet politike, ekonomike e sociale; kultura dhe besimet; çështje të ndërtimit të shtetit; marrëdhëniet ndërkombëtare dhe aspekte të nacionalizmit shqiptar.

Gjejmë rastin të falënderojmë të gjithë studentët që iu përgjigjën thirrjes për prezantime, sidomos ata që komisioni organizues i Konferencës i përzgjodhi si kumtues. Për programin e plotë klikoni këtu.