Më 7-8 prill 2022, ora 09:30, mbahet në Prishtinë konferenca shkencore “Gjenocidi serb kundër shqiptarëve gjatë shek. XIX-XX”. Konferenca organizohet nga Instituti i Historisë “Ali Hadri”, Instituti i Historisë-Tiranë dhe Instituti Albanologjik – Prishtinë.
Është një konferencë shumë e rëndësishme që trajton gjerësisht dy shekuj gjenocid ndaj shqiptarëve, projektin serb për pushtimin e tokave shqiptare, bazën ideologjike të politikës gjenocidale të shtetit serb.
Historianë të Shqipërisë dhe Kosovës hedhin dritë që nga fillesat e këtij gjenocidi me të dhëna burimore osmane mbi dëbimin e shqiptarëve nga Sanxhaku i Nishit, me konvertimin e shqiptarëve të Kosovës nga besimi fetar mysliman dhe katolik në besimin ortodoks (1878-1913), eliminimi i elitës fetare shqiptare nga pushteti serb (1878-1999), dhe si lexohet kjo dhunë etnike në kontekstin global të shek. XX.
Studiuesit trajtojnë krimet e forcave serbe në Kosovë ndërmjet dy luftërave botërore (1918-1941), qëndrimin e shtetit shqiptar kundër gjenocidit serb (1945-1999), e deri tek krimet e forcave serbe në vitet 1998-1999 në komunën e Skënderajt, Drenasit, Deçanit, Rahovecit, Ferizajt, Kaçanikut, Shtimes, Mitrovicës etj.
Programin e plotë e gjeni më poshtë.