Ermela Broci është studiuese në Akademinë e Studimeve Albanologjike, Instituti i Antropologjisë Kulturore dhe Studimit të Artit, Departamenti i Etnologjisë, që nga viti 2011. Titullin “Master i Shkencave etnologjike” e fitoi në Qendrën e Studimeve Albanologjike dhe në 2015 fitoi gradën “Doktor” në Etnologji-Folklor  me titull “Shkodra përmes objekteve (Ndërtimi i identitetit urban përmes strategjive të kujtesës, monumenteve dhe muzeve)” .

Hulumtimi i saj fokusohet në kujtesën, muzetë dhe monumentet. Ajo ka botuar në historinë e kujtesës, monumenteve, muzeve dhe kulturës materiale dhe gjithashtu ka marrë pjesë në konferenca të shumta brenda vendit dhe ndërkombëtare të organizuara në Tiranë, Shkodër, Turqi, Gjermani etj.

Ajo është kuratore e disa ekspozitave të organizuara se fundmi në Institutin e Antropologjisë, që kanë përfaqësuar kostumet dhe traditat popullore shqiptare. Gjithashtu është anëtare e ICOM dhe InASEA. Interesimet e  saj të fundit kanë të bëjnë me fushën e muzeologjisë.