Autori: Marenglen Verli
Publikoi: Akademia e Shkencave e Shqipërisë
Nr. i faqeve: 1198
Gjuha: Shqip
Viti i botimit: 2017
Në vëllimin “101 – Profile biografike nga Kosova për Kosovën”, profilizohen përmes të dhënave arkivore, bibliografike, kujtimeve e fotografive, herë deri diku të plota, herë në mënyrë fragmentare portretet politike, sociale etj., të dhjetëra emrave të njohur, pak të njohur ose të panjohur, shumë nga të cilët personalitete të fushave të ndryshme e luftëtarë të shquar nga Kosova, ose që punuan, kontribuuan e sakrifikuan për Kosovën. Ndër risitë e botimit është evidentimi i emrave pak të njohur dhe ndriçimi me realizëm e larg klisheve bardh e zi i të gjithë atyre që përmenden në këtë vëllim.