Jonida Gashi është doktoruar pranë Birkbeck College, University of London, në Shkenca Humane dhe Studime Kulturore. Në kërkimin e saj shkencor, fushat kryesore të interestit janë: teoria e artit bashkëkohor, e veçanërisht ajo e imazhit lëvizës në artin bashkëkohor pas vitit 1990; historia dhe teoria e kinemasë duke filluar nga fillimi i shekullit të 20 e deri më sot; filozofia e kohës dhe teoria e përsëritjes. Jonida Gashi është aktualisht kërkuese shkencore pranë Institutit të Antropologjisë Kulturore dhe Studimit të Artit në Tiranë, ku po punon mbi një projekt rreth kinemasë shqiptare gjatë periudhës komuniste në Shqipëri, 1944-1990.