Blerina Hankollari është studiuese pranë Departamentit të Etnologjisë, në Institutin e Antropologjisë Kulturore dhe Studimit të Arteve. Studimet e saj janë në fushën e filozofisë idealiste gjermane dhe asaj bashkëkohore franceze, me një orientim të rëndësishëm antropologjik. Aktualisht, fusha studimore dhe kontributi i saj i parë monografik lidhen me studimin e substratit mitologjik shqiptar, me qëllim shqyrtimin e raporteve mes Shtetit totalitar shqiptar dhe këtyre konfigurimeve, nën prizmin e dinamikave të pushtetit mes metafizikave botëformuese.