Etnografia e shkruar: Ky arkiv ruan dosje origjinale me materiale shkrimore, që përmbajnë lëndë etnografike të mbledhur në terren nëpër ekspedita kërkimore lidhur me zakonet e jetës shoqërore, jetën shpirtërore, ritualet jetësore, të drejtën zakonore, mënyrën e jetesës dhe dukuri të tjera të shoqërisë shqiptare.
Arkiviste: Dr. Mimoza Shqefni
Fondi i përzier (Dru-Metal-Qeramik-Porcelan): Në fondin e përzier ka 8.785 objekte. Disa prej objekteve të këtij fondi janë mjaft të hershme. Pjesa më e madhe janë kryesisht objekte të periudhës 1850-1980. Shumica e objekteve janë të ekspozueshme.
Arkiviste: znj. Vilma Nallbani
Fondi tekstil-lesh: Ka një koleksion të pasur të veshjeve popullore të krahinave të ndryshme të vendit, të tekstileve të leshta, të pambukta e të mëndafshta. Në këtë fond janë 12630 objekte.
Arkiviste: znj. Migena Dukagjini
Fototeka-Skicoteka: Arkiv i kujtesës vizive të shqiptarëve, i cili dokumenton jetën e përditshme, traditat, zhvillimet folklorike e muzikore në nivele lokale e nacionale.
Arkiviste: Dr. Mimoza Shqefni
Audioteka: Arkiv me regjistrime zanore nga krahinat shqiptare brenda dhe jashtë kufijve.
Videoteka: Arkiv me materiale të përbëra nga regjistrime të ekspeditave kërkimore, veprimtari dhe festivale folklorike.
Arkivist: z. Elvis Gorica
Proza dhe poezia popullore: Përmban rreth 1.700.000 vargje, rreth 10.000 proverba, 9.000 faqe prozë (përralla, tregime, legjenda) dhe mbi 100 volume të studiuesve, me materiale të mbledhura në terren, si pjesë e kulturës gojore. Ka edhe një material të konsiderueshëm me përkthime që kanë të bëjnë me folklorin.
Arkiviste: Dr. Mimoza Shqefni