Laboratori i Arkeometrisë në ASA: Një lajm shumë i mirë për trashëgiminë kulturore

9 Korrik, 2022 Njoftime
Pas një periudhe parapërgatitore, projekti REACH ka mbërritur në fazën e parë të realizimit të një prej objektivave kryesore, që është krijimi i Laboratorit të Arkeometrisë pranë Akademisë së Studimeve Albanologjike, me fokus konservimin dhe restaurimin e objekteve arkeologjike dhe etnografike.
Përfaqësues nga Universiteti i Urbinos dhe Bolonjës si dhe përfaqësues nga Insituti i Arkeologjisë dhe Instituti i Antropologjisë Kulturore dhe Studimit të Artit (IAKSA) në datat 5-6 korrik, 2022 u morën me instalimin, kalibrimin, testimin dhe organizimin e aparaturave, instrumenteve aq themelor për krijimin e Laboratorit të Arkeometrisë.
Është një hap shumë i rëndësishëm drejt krijimit të një laboratori profesional, për konservim dhe restaurim të objekteve arkeologjike dhe etnografike dhe pas një ndërprerjeje disavjeçare puna do të rifillojë përsëri. Po punohet intensivisht për përmirësimin e kushteve, blerjen e instrumenteve të tjera të nevojshme, si dhe solucioneve kimike duke dhënë mundësinë e krijimit të një ambjenti sa më bashkëkohor dhe sa më funksional.
Projekti REACH është një projekt Erasmus+ për ndërtimin e kapaciteteve në fushën e Arsimit të Lartë. Ai synon të mbështesë zhvillimin e aftësive kërkimore multidisiplinare dhe njohurive teknike në fushën e ruajtjes dhe restaurimit të Trashëgimisë Kulturore në Shqipëri.
 
2024 © Institutet dhe qendrat e Albanologjisë. TË GJITHA TË DREJTAT TË REZERVUARA. POWERED BY WEBART.AL