Nënshkruhet marrëveshja e bashkëpunimit ndërmjet Universitetit të Prishtinës “Hasan Prishtina” dhe Akademisë së Studimeve Albanologjike (ASA)

18 Nëntor, 2022 Njoftime
Në mjediset e rektoratit të UP-së, sot, më 18 nëntor 2022, u nënshkrua Marrëveshja e bashkëpunimit ndërmjet Universitetit të Prishtinës “Hasan Prishtina” dhe Akademisë së Studimeve Albanologjike (ASA), Tiranë.
Marrëveshja i hap rrugë bashkëpunimit në fushën e arsimit të lartë dhe kërkimit shkencor, në përputhje me strategjitë përkatëse të zhvillimit të institucioneve dhe të vendeve respektive.
Marrëveshja u nënshkrua nga rektori i ASA-së, prof. dr. Luan Përzhita, dhe u.d. e rektores së UP-së, prof. ass. dr. Lujleta Plakolli-Kasumi, si dhe nga koordinatorët e marrëveshjes, dr. Enkelejda Shamku-Shkreli dhe prof. dr. Lindita Rugova.
2024 © Institutet dhe qendrat e Albanologjisë. TË GJITHA TË DREJTAT TË REZERVUARA. POWERED BY WEBART.AL